ಬ್ರೇಕ್ ಹಾಕೋಕೆ ನೆನಪೇ ಇಲ್ಲ....

ಅವನು ಗಣಪತಿ....... ನಮ್ಮೊರ ಸೋಡಾ ಸಪ್ಲಯರ್.... ಹಳ್ಳಿಯಲ್ಲಿ 'ಗೋಲಿ ಸೋಡಾ' ಮಾರಾಟ ಮಾಡುತ್ತಿದ್ದ..... 'ಶುಂಟಿ ಸೋಡಾ' 'ಸಪ್ಪೆ ಸೋಡಾ' ತುಂಬಾ ಚೆನ್ನಾಗಿ ಮಾಡುತ್ತಿದ್ದ....... ಒಳ್ಳೆಯ ರುಚಿಯಿರುತ್ತಿತ್ತು ಕೂಡ..... ಮಾಡುವ ರೀತಿ, ಶುದ್ದಿಯ ಬಗ್ಗೆ ಅನುಮಾನಗಳಿದ್ದರೂ ಸಹ ರುಚಿಯ ಬಗ್ಗೆ ಮಾತಿರಲಿಲ್ಲ...... ತುಂಬಾ ಕೊಳಕಾಗಿ ಇರುತ್ತಿದ್ದ...... ಅದಕ್ಕಾಗಿಯೇ ಸೋಡಾ ರುಚಿಯಾಗಿರುತ್ತದೆ ಎಂದು ನಾವೆಲ್ಲಾ ಮಾತಾಡಿಕೊಳ್ಳುತ್ತಿದ್ದೆವು ..... ಅವನ ಸೈಕಲ್ ಮೇಲೆ ಊರಲ್ಲಿನ ಎಲ್ಲಾ ಅಂಗಡಿಗಳಿಗೂ ಈತನೇ ಸೋಡಾ ಸಪ್ಲಯ್ ಮಾಡುತ್ತಿದ್ದ.... ವ್ಯಾಪಾರ ಚೆನ್ನಾಗಿ ಆಗುತ್ತಿದ್ದ ಹಾಗೆ ಸ್ಕೂಟರ್ ತೆಗೆದುಕೊಂಡ....... ಸ್ಕೂಟರ್ ಹಿಂದೆ ಸೋಡಾ ರಾಕ್ ಇಟ್ಟುಕೊಂಡು ಹೊರಟನೆಂದರೆ, ''ಮೈಸೂರು ಅಂಬಾರಿ'' ಯ ನೆನಪು ತರಿಸುವ ಹಾಗೆ ಸ್ಕೂಟರ್ ನಡೆಸುತ್ತಿದ್ದ.....

ಒಮ್ಮೆ ಅವನಿಗೆ ಆಕ್ಸಿಡೆಂಟ್ ಆದ ಸುದ್ದಿ ಕೇಳಿ ತುಂಬಾ ಬೇಸರವಾಯಿತು...... ಅವನನ್ನು ಹುಡುಕಿ ನಾನು ನನ್ನ ಗೆಳೆಯ ಹೊರಟೆವು....... ಆಸ್ಪತ್ರೆಯಲ್ಲಿ ಮಲಗಿದ್ದ............ ಕಾಲಿಗೆ ಬ್ಯಾಂಡೇಜ್ ಸುತ್ತಿದ್ದರು........... ಪಾಪ ಅನಿಸಿತು.......... ನನ್ನ ಗೆಳೆಯ ಕೇಳಿದ..... '' ಏನಾಯ್ತಾ ಗಣಪತಿ ''......ಮುಂದೆ ಅವನ ಮಾತಲ್ಲೇ ಕೇಳಿ.............'' ಬೆಳಿಗ್ಗೆ ಸೋಡಾ ತಯಾರಿ ಮಾಡಿ ಎಲ್ಲಾ ಅಂಗಡಿಗೂ ಕೊಡೋಣ ಅಂತ, ಸ್ಕೂಟರ್ ಮೇಲೆ ಸಾಲಾಗಿ ಇಟ್ಟೆ.... ಸ್ಕೂಟರ್ ಸ್ಟಾರ್ಟ್ ಮಾಡಿ ಸುಮಾರು ದೂರ ಹೋಗಿದ್ದೆ...... ಅಂಗಡಿ ಎದುರಿಗೆ ಟರ್ನಿಂಗ್ ಉಂಟಲ್ಲ, ಅದರ ಎದುರಿಗೆ ಕಾಂಪೌಂಡ್ ಹೋಗಿ ಸೀದಾ ಹೊಡೆದೆ''....... ನನ್ನ ಗೆಳೆಯ ಸ್ವಲ್ಪ ರೇಗಿಸೋಣ ಎಂದು..... '' ಟರ್ನಿಂಗ್ ಬಂದರೆ ಸ್ಕೂಟರ್ ತಿರುಗಿಸಬೇಕಿತ್ತು'' ಅಂದ...... ಅವನೋ ಗಣಪತಿ..... '' ಎದುರಿಗೆ ರಿಕ್ಷಾ ಬರುತ್ತಿತ್ತು ಮಾರಾಯ್ರೇ........'' ಅಂದ............ ನನಗೆ ತಡೆಯಲಾಗಲಿಲ್ಲ....... ''ಅಲ್ಲಯ್ಯಾ ಗಣಪತಿ, ಸ್ಕೂಟರ್ ನಲ್ಲಿ ಬ್ರೇಕ್ ಇದೆ ತಾನೇ, ಬ್ರೇಕ್ ಹಾಕಬೇಕಿತ್ತು......'' ಎಂದೇ............... ಅವನ ಉತ್ತರ ನೀವೇ ಕೇಳಿ........ '' ನಾನು ಹಾಗೆ ಅಂದುಕೊಂಡೆ ಮಾರಾಯ್ರೇ........ ಎದುರಿಗೆ ಬರುತ್ತಿದ್ದ ರಿಕ್ಷಾ ತಪ್ಪಿಸಿ ಕಾಂಪೌಂಡ್ ಬದಿಯಲ್ಲಿ ನಿಲ್ಲಿಸೋಣ ಎಂದುಕೊಂಡೆ......'' ಅಂದ........ ''ಮತ್ಯಾಕೆ ಹೀಗಾಯ್ತು'' ಎಂದೇ........ ...'' ಅದೇ ಮಾರಾಯ್ರೆ.....ಆ ಟೈಮ್ ನಲ್ಲಿ ಬ್ರೇಕ್ ಹಾಕೋಕೆ ನೆನಪೇ ಆಗ್ಲಿಲ್ಲ...... ನನ್ನ ಗೆಳೆಯ, ನಗುವುದನ್ನೂ ಮರೆತ.................